آسف ولا ينسمع
والصوت مو الأولي
الصوت أحس مرتبك
ذبـلان ورد الحجي
بشفافك ومنكتل
من حقي لو كمت أشك
آني عـرفـتك قبل
من تحجي ينزل رطب
والدنيا تمطر ضحك
وبكلشي أشوفك تهل
حتى الصبح من يجي
ويه الشمس تشترك
وما كان واحـد قبل
ياخذ ركبتك غفل
لو صار وكت العرك
وما بالَغِت لو قلت
كنت أويه موت النِزَلْ
لو زامطك تشتبك
والآن ياوطني:
دنكت لأصغر قزم
والكان يحلم قبل
يوصل الحَد الورك
معقوله ياوطني
إتخلي الكمر ينذبح
وسِتْر الشمس ينهتك؟
الثلاثاء 25 ديسمبر 2007, 16:21
