هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةالتسجيلدخول

 

 قصيدة عباس جيجان عن العراق روووعة بس حزينة

اذهب الى الأسفل 
3 مشترك
كاتب الموضوعرسالة
العراقي
عضو نشيط
العراقي


عدد الرسائل : 43
العمر : 27
الموقع : الاردن
تاريخ التسجيل : 06/11/2007

بطاقة الشخصية
المزاج:

قصيدة عباس جيجان عن العراق روووعة بس حزينة Empty
مُساهمةموضوع: قصيدة عباس جيجان عن العراق روووعة بس حزينة   قصيدة عباس جيجان عن العراق روووعة بس حزينة Icon_minitimeالثلاثاء 15 يناير 2008, 20:31

انت العين واقرب من جفنها انت

انت الوالد اليحظن بديه وليدة وبنته

وبالتوحيد انت الشعب كلة بشيعتة وسنته

منهو الكال ناسيك هم ينسى الكَمر وكته

لو نبض الكَلب يتنكر لدكته

بس عشكَك عشكَ مفضوح

وعشك الناس كلها مساتر وسكته

صرت انت سبت وبركَبة يهودي

هم شايف يهودي يجوز من سبته

انت الفارس اليسبق هبوب الريح

وما اظن خيل سابقته

وانت انت يرهم ترابك كحل للعين

ودوا للما شفت علته

ومن طينك نحني جفوف المعرسين

وكل اصبع فرح من طك طكَته

وانت ريحة ترابك ترد الروح

هيل وزعفران وعنبر بشمته

ومثل تراب كاعك مالكَينا تراب

يرهم للصلاة من طين تربته

انت ينام بيك المرتضى الكرار

ابو الحسنين التلوذ الناس كلها بشارته وبخته

وانت ينام بيك بكربلاء حسين

الما باع نطاقه وسلم ركَبته

وبيك ظلت راية العباس

لمن طاح ..... نزلت الفرات وباسته من شفته

من طلعت منك يوم طرني البين

كلبي وياي ماجبته اثاريني نسيته هناك عندك كَلبي امنته

شتلته بجرف دجلة الخير

وي طين الشواطي شربكَته

وامتدت عروكَه بوسط ذيج الكاع

ومن ماي الفرات ودجلة عمدته

ولمن صار ينقل جدمه بين الناس

اخذته وياي للكاظم على الشباك زورته

صح هسه اصبحت من وطن نيدرلاند

هولندي الهوية وشعري جللته (شعر الراس بالجل)

وصح تاقلمت وية الغرب فد نوب

وصرت ماصخ مثلهم والملح عفته

وصح صرت ارطن رطنهم لمن يرطنون

ولسان العرب بالاعجمي كسرته

لكن مدري شي يصير بيه من يمر طاريك

احسة انك دفو تموز وحرته

العالم نسى ايام اهدعش من ايلول

وصارت بيك وبيك سالفته

ناس تكول لازم نحتوية ونشفط البترول

ونعوض الراح ونسرق بركته

وناس تكول لازم هالحصار يدوم

وناس تكول لازم ننزع اسلحته

وناس تكول خطية اطفاله ماتو من الجوع

وناس تكول حيل وياه ما حمد ربة وشاكر نعمته

جيف انت حلو والدول منك تغار

ما عدهم العندك من مجد نلته

انت اول وطن ادم وضع جدمه علية وكال يا الله ولنك وصله من جنة

انت اول وطن حطة النبي ابراهيم ودعا ربه يصونه برحمته وعزته

وانت اول وطن مرسى لسفينة نوح

وانت اول وطن النبي ايوب ناخت بيك راحلته

وانت اول وطن علم العالم ابجديه ويكتب التاريخ

وانت اول وطن قانون سننته

انت اول وطن كالتله الشمس يمه صباح الخير

انت اول وطن ماتشبه الاوطان

سبحان ربي شلون صورته

صورته العراق وبس علينه يلوكَ

واحنة نلوكَله لمن يحن وكته

هذوله اهل الغدر من عندك شيردون

يا هو صاح منهم ما اجو عندك

جان جيبك موس الك لمن العرب ينخوك

عزيز المال هيج وهيج طشرته

لمن طحت محد اجى وكال عدعيناك ونزفك مثل دمع الشمع سقته

بقيت وحيد مدمي بساحة الميدان واطفالك عليك بصفك ينوحون

وانت تون ولا مثلك قبل مذبوح ونونته

توجيت على جرحك كمت مهتميت

خاف الشامت يشوفك طريح ويشتفي بشمته

طبع بيك المكابر اكبر من الاه

واكبر من غدرهم يا بختك انته

جم غازي مر عليك وراح

وتمر علية السنين ومتعمر بذلته

صفو بالمزبله ويلعنهم التاريخ

تراب بلادنه يرفض جدم الغازي والمحتل

تراب بلادنه غالي واغلى من عدنا

مع تحياتي
العراقي
الرجوع الى أعلى الصفحة اذهب الى الأسفل
اسد بغداد
المدير العام
المدير العام
اسد بغداد


عدد الرسائل : 93
العمر : 28
الموقع : العراق
تاريخ التسجيل : 03/10/2007

قصيدة عباس جيجان عن العراق روووعة بس حزينة Empty
مُساهمةموضوع: رد: قصيدة عباس جيجان عن العراق روووعة بس حزينة   قصيدة عباس جيجان عن العراق روووعة بس حزينة Icon_minitimeالثلاثاء 15 يناير 2008, 23:21


شكرا العراقي على القصيدة الروعة
يا رب يتحرر العراق ونخلص من الضيم الي احنا بي
الرجوع الى أعلى الصفحة اذهب الى الأسفل
https://asd-baghdad.ahlamontada.com
العراقي
عضو نشيط
العراقي


عدد الرسائل : 43
العمر : 27
الموقع : الاردن
تاريخ التسجيل : 06/11/2007

بطاقة الشخصية
المزاج:

قصيدة عباس جيجان عن العراق روووعة بس حزينة Empty
مُساهمةموضوع: رد: قصيدة عباس جيجان عن العراق روووعة بس حزينة   قصيدة عباس جيجان عن العراق روووعة بس حزينة Icon_minitimeالأربعاء 16 يناير 2008, 15:06

آمين يا رب العالمين ان شاء الله بجهود العراقيين الاصلاء
شكراً على ردك
الرجوع الى أعلى الصفحة اذهب الى الأسفل
IRAQ.IRAQ.BAGHDAD




عدد الرسائل : 3
العمر : 34
تاريخ التسجيل : 29/08/2009

قصيدة عباس جيجان عن العراق روووعة بس حزينة Empty
مُساهمةموضوع: رد: قصيدة عباس جيجان عن العراق روووعة بس حزينة   قصيدة عباس جيجان عن العراق روووعة بس حزينة Icon_minitimeالإثنين 31 أغسطس 2009, 17:36

يسلمووووووووووووو بارك الله فيكم وجعله في ميزان حسناتج
الرجوع الى أعلى الصفحة اذهب الى الأسفل
 
قصيدة عباس جيجان عن العراق روووعة بس حزينة
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
 :: قسم الادب والشعر :: منتدى الشعر الشعبي-
انتقل الى: